بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں دکیءُ شال ءَ دو جتائیں ارشاں زورگریں پوج ءِ کمکار ءُ سی ٹی ڈی ءِ تانہ نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں چارشمبے ءِ شپ ءَ دکی ءَ زورگریں پاکستان ءِ وتگڑیں کاؤنٹر ٹیررازم ڈیپارٹمنٹ (سی ٹی ڈی) ءِ تانہ گوں دستی بمب ءَ نشانگ کرتگ۔ تراک ءِ آسر ءَ سی ٹی ڈی ءِ یک کارمندے نور الدین ٹپی بیتگ ءُ تانہ تاوان بیتگ۔
جارکش ءَ گوشتگ کہ بی ایل اے ءِ سرمچاراں دوشی شال ءَ سریاب، کیچی بیگ ءَ زورگریں پاکستانی پوج ءِ ملٹری انٹیلی جنس ( ایم آئی ) ءِ کارمند مشتاک ھسین ء نواز جاہ مند راٹھورسند، موروارش ءَ کشتگ۔ اے کمکار زورگریں پوج ءِ پرکاریں کارمندے بیتگ۔
آئی ءَ گوشتگ کہ کمکار مشتاک ھسین ءَ زورگریں پوج ءِ نیمگ ءَ سریاب ءَ ھوار شال ءِ آدگہ ھنداں پہ چیریں سیل ءِ جوڑ کنگ ءُ چاریگی ءُ کمکاری ءَ مردمانی زورگ ءِ ٹاسک دیگ بیتگ۔ اے سیل ءُ ھمگرنچیں آدگہ مردم پجارگ بیتگ اَنت، آیانی آسر زوت چو مشتاک ھسین ءِ وڑ ءَ بیت۔
جیھند بلوچ ءَ وتی درشان ءِ گڈی ءَ اے دوئیں کاروائیانی زمہ واری من اتگ۔
