اورماڑه : چہ ورگی آپ ءِ نه بوگ ءِ سوب ءَ دمگ ءِ مردم سکا جنجالانی دیمپان اَنت۔
بنشون ءِ بلوچستان ءِ تیاب دپی شھر اورماڑه ءَ پانزده روچ اِنت که ورگی آپ نیست چه ایشی ءَ مردم چہ گران نھادیں ٹینکرانی آپ ءِ زورگ ءَ لاچار اَنت ، اورماڑه ءَ مردم آپ ءِ گرانی ، گرم ءُ تُنّ ءَ سکا جنجال کرتگ اَنت۔
چه آپ ءِ کمی ءِ سوب ءَ دمگ ءِ مردماں گوں بلوچستان ءِ سرکار ءُ انتزامیہ ءَ لوٹ کرتگ که آ زوت په آپ ءِ جیڑھ ءِ ھلاس کنگ ءَ گامگیج بزور اَنت.
