شال: پاکستانی پوج بلوچستان ءِ جتا جتائیں ھند ءُ دمگاں مردمانی اولاک ءُ پجار کارڈاں پچگرگ ءَ اِنت۔
زرمبش جھگیر ءِ رد ءَ پاکستانی پوج شال، پنجگور، تربت، بلیدہ، گْوادر ءُ ھب چوکی ءَ مردمانی اولاک ءُ پجار کارڈاں پچگرگ ءُ ھمے گوشگ ءَ اِنت پہ وتی کارڈ ءُ اولاکانی رند ءَ مئے بنجل ءَ بیا اِت۔
اھوالکار ءِ رد ءَ پاکستانی پوج ءِ مول ھمیش اِنت کہ باندا چاردہ اگست ءَ پہ پاکستان ءِ شاتکامی روچ ءَ مردم بنجل ءَ بیا اَنت ءُ آ پاکستان ءِ شاتکامی روچ ءَ بدار اِیت۔
چوش کہ سرجمیں بلوچستان ءِ مردم پاکستان ءِ شاتکامی روچ ءَ نہ دار اَنت ءُ پاکستانی پوج ءِ بنجلاں نہ رو اَنت۔ پاکستانی پوج پہ انچیں پندلانی بنیاد ءَ مردماں رد دنت ءُ بنجل ءَ لوٹائینتگ ءُ شاتکامی کنگ لوٹ ایت۔
