سندھودیش ریوولوشنری آرمی ( ایس آر اے ) ءِ جارکش سوڈھو سندی ءَ 14 اگست ” ایردستی ءِ روچ ” ءِ درگت ءَ ماں رسانکدر ءَ وتی شنگ کرتگیں درشانے ءَ گوشتگ که اے وتگڑیں ڈیھ ءُ ایردستیں راجانی زندان بِزاں پاکستان ءِ جوڑ بوگ ءِ ھواری ءَ مئے 12 لک ءَ گیش سند سرڈگار ءِ ھاک ءَ رُستگیں سندی زھگ تھنا ھندو بوگ ءِ سوب ءَ دین ءِ ردیں باورانی پارست ءَ چه ما جتا کنگ بیتگ اَنت۔ آ مرچی ھم چہ وتی سرڈگار ءَ سدگ ءِ رنجاں اوپار کنگ ءَ اَنت۔
آئی ءَ گوشتگ که چه پاکستان ءِ جوڑ بوگ ءَ گوستگیں 78 سال ءَ چوشیں روچے نه گوستگ که آ روچ ءَ ایردستیں راج چوش که سندی بلوچانی ناھکیں کوش ، آیانی روزگار ءُ مڈیانی پُلگ ، آیانی پجار ، گوستانک ، دود ءُ ربیدگ ءُ زبان ءِ تباه کنگ ءِ بابت ءَ کاروائی کنگ نه بیتگ۔
جارکش ءَ 14 اگست په سند ءَ سیاه ءُ ایردستی ءِ گنتریں روچ نامینتگ ءُ گوں سند ءُ ھند ءِ ورناھاں دلگوش گور کرتگ ءُ گوشتگ که آشوب ءِ ھچ وڑیں جھد مھذبی نه اَنت بلکیں مذھب ھمیشی ءِ برورد اِنت ، چه سند ءِ پنچ ھزار سالی گوستانک ءَ داں اے وھد ءَ په پاکستان ءِ گنتریں زورگری ءِ ھلاس کنگ ءُ سند ءِ آجو کنگ ءَ ھمے وڑ ءَ په یک وشھالیں زندے ءَ سندھودیش ریوولوشنری آرمی گوں سند ءِ ورناھاں لوٹ کنت که آ ایس آر اے ءِ بھر جوڑ به بنت دانکہ آ انوگیں پدریچ ءِ دست ءُ ھیال ءَ راجی آجوئی ءِ لیکه ، توکل ءُ سلاه بند به بنت ءُ ایشی آسر ءَ پاکستانی پوج ءُ پاکستان ءِ ھستمان ءَ گوستانکی پروشے به دے اَنت۔
