آواران ءِ ھند جاھو ءَ پاکستانی پوج ءَ بیڑ برتگ ءُ میران بلوچ نامیں مردمے آوار جتگ۔
زرمبش جھگیر ءِ رد ءَ زور بیگواھیں میران بلوچ ء ابراھیم بارگیں گزی ءِ جاہ منند اِنت کہ دوشی پوج ءَ آئی گس ءَ بیڑ برتگ ءُ آوار جتگ۔
زور بیگواھیں میران ءِ بابت ءَ گوشگ بیت کہ آ دبی ءَ مزدوری ءَ بوتگ کہ چہ نادراھی ءِ سوب ءَ وتی موکلاں اتکگ۔
میران چہ ایشی پیش ھم پوج ءَ مئی 2025 ءَ آوار جتگ ءُ بیگواہ کرتگ۔ داں لھتیں روچاں آزار دیگ ءَ پد یل داتگ۔ اے آئی دومی رند اِنت کہ بیگواہ کنگ بوتگ۔
