بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں یک ستمبر ءَ گل ءِ چیریں ھالانی بنیاد ءَ کاروائی کرتگ ءُ شپ ءِ اَدار ھشت ءِ نزیک ءَ ھزدار ءِ ھند زھری ءَ ، زھری گیٹ ءِ نزیک ءَ ندیم زھری ء مھمد نشانگ کرتگ ءُ کشتگ۔
آئی ءَ گوشتگ کہ یک سالےپیش ھم بی ایل ایپ ءِ سرمچاراں ندیم زھری ءِ سر ءَ اُرش کرتگ اَت بلے آ چہ اے اُرش ءَ ٹپی بیتگ ءُ رک اِتگ اَت۔
جارکش ءَ گوشتگ کہ ندیم زھری 19 پروری 2018 ءَ شھید نورالھک پنام ءِ بارگ ءُ شھید زیا اُلرھمان پنام ءِ دلجان ءِ شھیدی ءَ تچک ءَ ھوار بیتگ ، دوئیں سرمچار 19 پروری 2018 ءَ زھری ءِ ھند تراسانی ءَ ریاست ءِ سلاھبندیں کشندہ ٹولی ءُ پاکستان پوج ءِ گون ءَ میڑے ءَ شھید بیتگ اَنت۔ پوج ءِ اے لشکرکشی ءَ ندیم زھری ءُ آئی ءِ سنگت گوں پوج ءَ ھمکوپگ ءُ ھوار بیتگ اَنت۔
بی ایل ایپ ءِ جارکش میجر گھرام بلوچ ءَ ندیم زھری ءِ کوش ءِ زمہ واری من اتگ ءُ گوشتگ کہ چہ رسانکدر ءِ پارست ءَ زھری ءُ آدگہ ھندانی کشندہ ٹولی ءِ درسیں کارمنداں کڈن کن ایں کہ چہ زورگریں پوج ءِ ھمراھی ءُ بلوچ ورنایانی زوربیگواھی یا شھیدی ءَ کہ تچک ءَ ھوار اَنت چہ اے کاراں پھریز بہ کن اَنت ، زمہ واریں بلوچ راجی گل ءِ رد ءَ آیاں گوش ایں کہ اگاں کسے چہ نزانتکاری یا چہ لاچاری ءَ گوں اے ریاستی ٹولیاں ھوار بیتگ چہ راج ءِ دژمنی ءَ وت ءَ در بہ کنت ، ھما مردم کہ دژمن ءِ ھمراھی ءَ یل کنت آئی ءَ پھل بوگ ءُ بے میاری ءِ موکل دیگ بیت اگاں نہ گڑا جانی تاوان دیگ بنت۔
