بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ یک ستمبر ءَ بی ایل ایپ ءِ سرمچاراں جاھو ءَ دو جتائیں جاھاں زورگریں پاکستانی پوج ءِ دو چوکی یکیں وھد ءَ نشانگ کرتگ ، ایشی آسر ءَ دژمنیں پوج ءِ یک کارمندے مرتگ ءُدو ٹپی بیتگ۔
آئی ءَ گوشتگ کہ بنداتی ارش ءَ جاھو ڈولیجی ءَ موسا کمب ءَ زورگریں پوج ءِ چوکی چار ءِ نزیک ءَ گوں مزنیں سلاھاں نشانگ کرتگ، ھمے وھد ءَ سرمچاراں ڈولیجی ءَ دژمنیں پوج ءِ مزنیں بنجل ءِ سر ءَ چہ دو نیمگاں ارش کرتگ ءُ اے کاروائی داں بیست دمان ءَ برجاہ بیتگ۔ چو مدامی وڑ ءَ دژمنیں پوج ءَ لس آبادی ءِ سر ءَ مارٹر ءُ آر پی جی ءِ باز گولا آس داتگ۔ پد ءَھم سرمچار کاروائی ءَ پد پہ سلامتی درکپتگ اَنت۔
جارکش ءَ گوشتگ کہ سی ءُ یک اگست ءَ بی ایل ایپ ءِ سرمچاراں سھب ءِ پنچ ءِ نزیک ءَ سوراب ءِ ھند نگاڑی ءَ شال کراچی شھدگ ءَ پاکستانی پوج ءِ کاروان ءَ ھواریں یک گاڑی یے گوں بمب ءَ نشانگ کرتگ۔ ارش ءِ آسر ءَ گاڑی ءَ سواریں پنچ کارمند مرتگ ءُ سے ٹپی بیتگ۔ گاڑی سرجم ءَ تباہ بیتگ۔
آئی ءَ گوشتگ کہ بیست ءُ ھشت اگست ءِ شپ ءَ یازدہ ءِ نزیک ءَ بی ایل ایپ ءِ سرمچاراں تربت ءِ ھند شھرک ءَ نادراھجاہ ءِ سر ءَ جتگیں کیمرہ نشانگ کرتگ اَنت آ دژمنیں پوج ءِ نیمگ ءَ پہ مردمانی زندگی ءُ رازداری ءِ ھکانی لگتمال کنگ ءَ جنگ بیتگ اَنت۔ سرمچاراں اے کیمرہ ھمے بنیاد ءَ نشانگ کرتگ اَنت کہ کوہ ءُ کوچگی آھوکیں سادگیں بلوچانی شرپ ءِ بگیری مہ بیت۔ پہ اے وڑیں کار ءُ کارپدانی بگیری ءَ ترندیں کاروائی کن ایں۔ ما زورگریں ریاستی ادارھاں رسانکدر ءِ پارست ءَ کڈن کن ایں کہ مردمانی رازداری ءُ زاتی زندگی ءِ تر ءُ گرد ءِ ھکانی شرپ ءَ بہ کنت، اگاں نہ پہ اے وڑیں ناشریں کارپدانی آسر ءَ جاڑیگ بہ بیت۔
میجر گھرام بلوچ ءَ درشان ءِ گڈی ءَ درسیں ارشانی زمہ واری من اتگ۔
