اسلام آباد ءَ پہ بلوچ یکجھتی کمیٹی ءِ سروکانی یل کنگ ءُ زور بیگواھیں مردمانی آجوئی ءَ برجاھیں زھرشانی نندانک ءَ پنجاہ ءُ شش روچ سرجم بیتگ کہ انگت برجاہ اِنت۔
زھرشانی ءَ دو ماہ نزیک اِنت بلے چہ سرکار ءِ نیمگ ءَ پہ آیانی لوٹانی پیلو کنگ ءَ ھچ وڑیں دلجمیں گامگیج زورگ بوگ ءَ نہ اِنت۔
آیانی گوشگ اِنت کہ ماراچنچو روچ اِنت اد ءَ زھرشانی ءَ نشتگ ایں مارا انتزامیہ ٹینٹ ھم جنگ ءَ نیلگ ءَ اِنت۔ اے ھوارانی وھد ءَ پیرزال ءُ کسانیں زھگ ھمے دگانی سرءَ انچو نندوک بیتگ اَنت۔ چہ درسیں زوراکیاں ابید ما انگت ءَ پر ایمنیں بیتگ ایں ءُ دیم ءَ ھم پر ایمن بہ ایں۔
آیانی گوشگ اِنت کہ مئے لوٹانی تہ ءَ یکے ھمیش اِنت بلوچ یکجھتی کمیٹی ءِ سروکانی سر ءَ جتگیں دروگیں بھتام ھلاس کنگ بہ بنت ءُ آ زوت یل کنگ بہ بنت، بلے بی وائی سی ءِ سروک انوں انچوش چیر اندری آمیدگس ءَ پیش کنگ بیتگ اَنت کہ آیانی بابت ءَ کھول ءُ وکیل ھم سھی کنگ نہ بیتگ اَنت۔
آیانی گوشگ اِنت کہ ما انچو روچ اد ءَ نشتگ ایں ما ھمے گندگ ءَ ایں کہ سرکار مئے لوٹاں گوں سنگینی ءَ چارگ ءَ نہ اِنت۔ بلے دانکہ مئے لوٹ منگ نہ بیتگ اَنت مئے زھرشانی برجاہ بیت۔
