کراچی پریس کلبءِ دیم ءَ پہ زور بیگواھیں مردمانی آجوئی ءَ برجاھیں زھرشانی نندانک چہ زور بیگواھیں زاھد بلوچ ءِ پت ابدُلھمید بلوچ ءِ نادراھی ءِ سوب ءَ پہ یک روچے ءَ ھلاس کنگ بیتگ۔
چوش کہ ابدھمید دیر اِنت نادراہ اِنت ءُ مرچی آئی جاور ناگیگ بیتگ اَنت کہ پہ الاج ءَ نادراھجاہ ءَ برگ بیتگ گڑا ڈاکٹر ءَ گوشتگ کہ آ آرام بہ کنت۔ پمشکا اے زھرشانی نندانک مرچی ھلاس کنگ بیتگ۔
زاھد بلوچ ءِ کھول ءَ گوستگیں چل روچ اِنت کہ کراچی پریس کلب ءِ دیم ءَ زھرشانی نندانک ءَ نشتگ ۔ اے چل روچ ءِ میان ءَ چہ سرکار ءِ نیمگ ءَ پہ آیانی لوٹانی منگ ءَ ھچ وڑیں گامگیج زورگ نہ بیتگ۔
کھول ءِ گوشگ اِنت کہ پہ زاھد الی ءِ آجوئی ءَ ما پیسر ءَ یک برے ماڑی پور ءَ ھم زھرشانی کرتگ۔ آ وھد ءَ کراچی انتزامیہ ءَ مارا دلجمی داتگ کہ مئے زھگ ءِ بابت ءَ مارا زوت سرپدی دیگ بیت۔ بلے لھتیں روچ ءِ گوزگ ءَ ابید انگت ءَ آیانی نیمگ ءَ ھچ وڑیں سرپد دیگ نہ بیتگ۔
