بلوچ لبریشن آرمی (بی ایل اے) ءِ جارکش جیھند بلوچ ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مستونگ ءُ کیچ ءَ زورگریں پاکستانی پوج گوں تراکناکیں شورھاں نشانگ کرتگ، سوراب ءَ پوج ءِ دزگیر کرتگیں چریک مرگ ءِ سزا داتگ۔
آئی گوشتگ کہ گوستگیں روچ ءَ مستونگ ءِ ھند دشت ءَ سرمچاراں زورگریں پاکستانی پوج ءِ پیادگ تر ءُ گرد کنوکیں کارمند ھما وھد ءَ گوں تراکناکیں شورھاں نشانگ کرتگ کہ آ ریلوے ٹریک ءَ بمب چارگ ءَ بوتگ اَنت۔ تراک ءِ آسر ءَ یک کارمندے جاھی مرتگ ءُ دگہ دو کارمند ٹپی بوتگ۔
آئی گوشتگ کہ مرچی کیچ ءِ ھند گورکوپ ءَ سرمچاراں زورگریں پاکستانی پوج ءِ گاڑی گوں تراکناکیں شورھاں نشانگ کرتگ۔ چہ ایشی آسر ءَ سَے کارمند مرتگ ءُ گاڑی سرجم ءَ تباہ بوتگ۔
جارکش ءَ گوشتگ کہ بی ایل اے ءِ سرمچاراں 17 ستمبر ءَ سوراب ءِ ھند گدر ءَ پوج ءِ چریک اسھاک مینگل ء ھیر جان چڈ گدر ءِ جھمنند اِنت چہ آئی بُندر ءَ دزگیر کرتگ ءُ سلاہ ھم دستیگ کرتگ اَنت۔
آئی گوشتگ کہ جست ءُ پرس ءِ وھد ءَ اسھاک مینگل ءَ من اِتگ کہ آ زورگریں پوج ءِ جوڑ کرتگیں کشندہ ٹولی ءِ سروک شپیک مینگل ءِسروکی ءَ کار ءَ بوتگ ءُ سوراب ءَ اکتر ء ٹکری یار مھمد مینگل ءِ سروکی ءَ چاریگی کنگ ءَ بوتگ۔ آئی ٹولی سوراب شھر، گدر ءُ بسیمگ ءَ زورگریں پوج ءِ کمکاری ءَ ھوار بوتگ۔
آئی گوشتگ کہ اسھاک اے ھم من اتگ کہ سوراب ءَ سابر نامیں ورنایے ءِ زوربیگواہ کنگ ءَ آ وت ھوار بوتگ ءُ بسیمگ ءَ گساں بیڑ برگ ءَ ھم آئی ٹولی ھوار بوتگ۔ آ پہ زورگریں پوج ءَ راھچاری، دگ بندی کنگ ءُ چہ گاڑیاں زر گرگ ءَ ھوار بوتگ کہ آ پوجی بنجلاں سر کنگ بوتگ اَنت۔
جارکش ءَ گوشتگ کہ اسھاک ءَ اے ھم گوشتگ کہ آئی ٹولی زورگریں پوج ءَ راشن سر کنگ ءَ ھوار بوتگ ایشی جاہ ءَ پوج ءَ آیاں لُٹ ءُ پُل کنگ ءِ موکل داتگ۔
اے میارانی منّگ ءَ پد بلوچ راجی آمیدگس ءَ اسھاک مینگل ءَ راجی میاربارے سرزد بوگ ءَ مرگ ءِ سزا داتگ کہ آزی کشگ بیتگ۔
جیھند بلوچ ءَ اے اُرشانی زمہ واری من اِتگ ءُ گوشتگ کہ ما اے جار ءَ جن ایں کہ زورگریں پاکستانی پوج ءُ آئی کمکارانی بگیری ءَ مئے کاروائی برجاہ بنت۔
