بلوچ راج دوستیں سروک ھلیل بلوچ ءَ دالبندین ءَ زبیر بلوچ ءِ کوش ءِ پژدر ءَ گوشتگ کہ زبیر بلوچ ءِ کوش بلوچ چکچینی ءِ درچ اِنت۔ پاکستان بلوچ ءِ باسمائیں ورنایاں پہ بلوچ راجی جیڑھانی سر ءَ توار چست کنگ ءِ میار ءَ درچنگ ءُ کُشگ ءَ اِنت۔ زبیر بلوچ تھنا یک نودربر سروکے نہ بیتگ بلکیں آ بلوچ راج ءِ نزوریں توار ءِ پھریزوک ءُ انسانی ھکانی نہ ترسیں وکیلے اَت۔
آئی گوشتگ کہ نودربر سیاست ءِ زمانگ ءَ آئی ھمائی کرد پیش داشتگ کہ پہ مدامی گیر آرگ بنت۔ چہ بلوچ نودربرانی ھکاں بگر داں زور بیگواھیں مردمانی آجوئی ءَ زبیر ھمک جاہ ءَ توار چست کرتگ۔آئی زانتگ اَت کہ راست گوشگ ءِ آسر چے بیت، بلے پد ءَ ھم بے توار نہ بیتگ۔
ھلیل بلوچ ءَ گوشتگ کہ مرچی زبیر بلوچ ءِ گس ءَ دژمن ءَ اُرش کرتگ ءُ شھید کرتگ بلے آئی دیمونی بلوچ جھد ءِ گوستانک ءَ یک بے ھال نہ بیوکیں درے بستار ءَ گیر آرگ بیت۔ شھید ءِ ھون مارا ھمے ترانگ ءَ دنت کہ اے راہ ءِ سپر ءُ راستی ءِ سر ءَ کار کنگ ءِ نھاد جان ءِ دیمونی اِنت، ایشی چیئرمین سوبین بوتگ، ما سکا گوں ستک ءُ شرپ ءَ آئی ستک شانی ندر کن ایں۔
