بلوچ لبریشن آرمی (بی ایل اے) ءِ جارکش جیھند بلوچ ءَ وتی درشانے ءَ گوشتگ کہ بی ایل اے ءِ سرمچاراں سوراب، کلات، نوشکے، زھری ءُ ھاران ءَ ھشت کاروائیاں پاکستانی نشانگ کرتگ، شھدگ بند کرتگ ءُ سے دزگیر کرتگیں چریک مرگ ءِ سزا داتگ ءُ کشتگ اَنت۔
آئی گوشتگ کہ بی ایل اے ءِ سرمچاراں مرچی نوشکے ءِ ھند بدل کاریز دوراھی ءَ شھدگ بند کنوکیں پاکستانی پوج ءِ کارمند نشانگ کرتگ اَنت۔ اُرش ءِ آسر ءَ دو کارمند جاھی مرتگ۔بی ایل اے ءِ سرمچاراں 25 ستمبر ءَ نوشکے گریب آباد ءَ زورگریں پاکستانی پوج ءِ جتگیں دو چاریگی کیمرہ نشانگ کرتگ ءُ تباہ کرتگ۔
جارکش ءَ گوشتگ کہ بی ایل اے ءِ سرمچاراں گوستگیں روچ ءَ سوراب ءِ نزیک ءَ کیسن دون ءَ مزنیں شھدگ داں دو اداراں بستگ، سرمچاراں گاڑی پٹ ءُ پول کرتگ اَنت۔بی ایل اے ءِ سرمچاراں گوستگیں روچ ءَ کلات ءِ ھند کزینئی ءَ مادن بروکیں یک گاڑی یے نشانگ کرتگ ءُ تاوان داتگ۔
آئی گوشتگ کہ سرمچاراں 26 ستمبر ءَ کلات ءِ ھند زاوہ ءَ زورگریں پاکستانی پوج ھما وھد ءَ سنگر گپتگ ءُ نشانگ کرتگ کہ آ دمگ ءَ پہ لشکر کشی ءَ روگ ءَ بوتگ۔ اُرش ءَ زورگریں پوج ءَ جانی تاوان بوتگ۔
جارکش ءَ گوشتگ کہ بی ایل اے ءِ سرمچاراں زھری ءَ کاروائی ءِ وھد ءَ گلام ھسین ء مھردل جتک جھمنند زھری کوچو دزگیر کرتگ۔ جست ءُ پرس ءِ میان ءَ گلام ھسین ءَ من اِتگ کہ آ یک سالے بیت کہ پہ پوج ءَ کار کنگ اِنت۔
آئی گوشتگ کہ گلام ھسین ءَ اِتگ کہ آ گساں بیڑ برگ ءُ مردمانی زوربیگواہ کنگائینگ ءَ پوج ءِ کمکاری ءَ ھوار بوتگ۔ آئی اے ھم من اتگ کہ آ کادر ءُ ایوب ءِ زوربیگواہ کنائینگ ءَ ھوار بوتگ ءُ زھری ءَ گوستگیں روچ ءَ پوج ءِ لشکر کشی کمکار بوتگ۔ بلے سرمچارانی اُرش ءَ زورگریں پوج پد کنزگ اِتگ۔
آئی گوشتگ کہ چریک ءِ سنگتاں زورگریں پوج ءِ ٹپی ئیں کارمند پوجی بنجل ءَ برتگ اَنت ءُ پوج کارمندانی لاشانی درگیجگ ءَ کمک کرتگ۔ گلام ھسین ءَ زھری ءَ سرمچارانی دگ بندگ ءِ جاہ ءِ پوج ءَ نشان داتگ۔
جارکش ءَ گوشتگ کہ بی ایل اے ءِ سرمچاراں ھاران ءِ ھند برشونکی ءَ پاکستانی پوج ءِ جوڑ کرتگیں کشندہ ٹولی ءِ ٹکانہ ءَ کارمند دولت ھان ء مرید مری جھمنند کوھلو دزگیر کرتگ۔ دولت ھان ءَ جست ءُ پرس ءِ میان ءَ من اِتگ کہ آ ھاپز ممتاز ءِ چیردستی ءَ کشندہ ٹولی ءِ کارمندے۔
آئی گوشتگ کہ دولت ھان ءَ من اِتگ کہ آ سلاہ بندیں ٹولی ءِ ھواری ءَ راھانی بندگ، ورنایانی بیگواہ کنائینگ ءَ ھوار بوتگ۔ آئی من اِتگ کہ اے ٹولی ءَ پاکستانی پوج ءَ زمینانی دستیگ کنگ ءُ شھدگانی سر ءَ لٹ ءُ پل کنگ ءِ موکل داتگ۔
جارکش ءَ گوشتگ کہ بی ایل اے ءِ سرمچاراں یک دگہ کاروائی یے ءَ کلات ءَ اسھاک نیچاری ء الی مھمد جھمنند منگچر کوھک دزگیر کرتگ۔ جست ءُ پرس ءِ وھد ءَ اسھاک نیچاری ءَ من اِتگ ءُ گوشتگ کہ یوسپ، جمیل، سدام ءَ ھوار آدگہ مردمانی زوربیگواہ کنائینگ ءُ گساں بیڑ برگ ءَ پوج ءِ کمکار بوتگ۔
آئی گوشتگ کہ اسھاک نیچاری ءَ من اِتگ کہ آ ئی پہ پاکستانی پوج ءَ راھچاری ءُ کمکاری کرتگ۔ چہ میارانی سر زدبوگ ءَ پد بلوچ راجی آمیدگس ءَ گلام ھسین، دولت ھان ءُ اسھاک نیچاری راجی میاربار لیک اِتگ ءُ آیاں مرگ ءِ سزا داتگ۔
جیھند بلوچ ءَ درسیں کاروائیانی زمہ واری من اِتگ ءُ گوشتگ کہ زورگریں پوج ءُ آئی کمکارانی بگیری ءَ مئے کاروائی برجاہ بنت۔
