کیچ ءِ ھند بلیدہ ءَ پاکستانی پوج ءَ دگہ دو ورنا آوار جتگ ءُ بیگواہ کرتگ۔
زرمبش جھگیر ءِ رد ءَ بیگواھیں ورنایانی نام نیک سال ء دلوش ءُ کدوس ء اومیت اِنت کہ زی پاکستانی پوج ءَ چہ بلیدہ ءِ میتگ میناز ءَ آوار جتگ ءُ بیگواہ کرتگ اَنت۔
اے بیگواھیں دوئیں ورنا بلیدہ ءِ کوہ مچی ءِ جاہ منند اَنت کہ چہ پاکستانی پوج ءِ نیمگ ءَ زوراکیانی سوب ءَ آیاں لڈ ءُ بار کرتگ ءُ بلیدہ ءِ گِردانک ءَ نشتگ اَنت۔
ھندی بنشون ءِ رد ءَ اے دوئیں ورنا زی گوں دگہ نزر بلوچ ء ارز مھمد نامیں ورنایے ھوار آوار جنگ بیتگ اَنت۔ آ زی پجارگ بیتگ ءُ اے دوئیں مرچی پجارگ بیتگ اَنت۔
