بلوچ لبریشن آرمی ( بی ایل اے ) ءِ جارکش جیھند بلوچ ءَ وتی شنگ کرتگیں درشانےءَ گوشتگ کہ بی ایل اے ءِ سرمچاراں کلات ءُ پنجگور ءَ سے جتائیں کاروائیاں زورگریں پاکستانی پوج ءِ شش کارمنداں ھوار یک کمکارے کشتگ ءُ زورگریں پوج ءِ سلاہ برتگ اَنت۔
آئی ءَ گوشتگ کہ بی ایل اے ءِ سرمچاراں سے شمبے ءِ روچ ءَ کلات ءِ ھند جوھان ءَ زورگریں پاکستانی پوج ءِ پیادگیں کارمند ھما وھد ءَ گوں چیر کرتگیں شورھاں نشانگ کرتگ اَنت کہ آ لشکرکشی ءِ جھد ءَ بیتگ اَنت۔ تراک ءِ آسر ءَ دو کارمند جاھی مرتگ ءُ دگہ یکے ٹپی بیتگ۔
آئی ءَ گوشتگ کہ ھمے شپ ءَ زورگریں پوج ءِ آدگہ کارمند سرمچاراں گوں نوک ءُ وتکاریں سلاھاں نشانگ کرتگ اَنت، ایشی آسر ءَ زورگریں پوج ءِ دگہ یک کارمندے جاھی مرتگ ءُ کم چہ کم دو کارمند ٹپی بیتگ، زورگریں پوج ءِ لگوریں کارمنداں وتی سنگر یل داتگ ءُ جستگ اَنت۔ سرمچاراں زورگریں پوج ءِ چگل داتگیں سلاہ دستیگ کرتگ اَنت۔
آئی ءَ گوشتگ کہ بی ایل اے ءِ سرمچاراں 29 ستمبر ءَ پنجگور ءِ ھند سیدان ءَ زورگریں پوج ءِ جوڑ کرتگیں وتگڑیں کشندہ ٹولی ءِ کارمند شاکر اُرش ءَ کشتگ۔
جارکش ءَ گوشتگ کہ اے کارمند ھمے ھند ءَ زورگریں پوج ءِ چیردستی ءَ زوریں بیگواھی ءُ زوراکیاں زورگریں پوج ءِ کمکاری ءَ ابید پہ آئی ءَ چاریگی کنگ ءَ بیتگ۔ باز براں اے کارمند زورگریں پوج ءِ گوشگ ءِ پد ءَ شھیدانی کھولانی دلسیاہ کنگ ءَ ھوار بیتگ۔
آئی ءََ گوشتگ کہ شاکر ءَ ھمے میارباریانی بنیاد ءَ سرمچاراں گڈی آسر ءَ سر کرتگ۔
جیھند بلوچ ءَ وتی درشان ءِ گڈی ءَ سے ئیں ارشانی زمہ واری من اِتگ۔
