بلوچ یکجھتی کمیٹی ءِ سروک ءُ زوربیگواھیں ڈاکٹر دین مھمد ءِ جنک سمی دین ءَ وتی شنگ کرتگیں درشانے ءَ گوشتگ کہ چہ شال ءَ ھپت اگست ءَ چیریں ادارھانی کارمنداں سیاسی کارکن نزر مری آوار جتگ ءُ بیگواہ کرتگ کہ آئی کھول داں مرچی درد ءُ جنجالانی دیمپان اِنت بلے وتی آزیز ءِ بابت ءَ سرپد نہ اَنت کہ کج ءَ اِنت۔
آئی گوشتگ کہ پاکستان ءَ پہ وتی ھکاں توار چست کنگ یک میارے جوڑ کنگ بوتگ۔ کجام ورنا کہ جستے کنت، نا انساپی ءِ بگیری ءَ گپ کنت آ بیگواہ کنگ بیت۔
سمی دین ءَ گوشتگ کہ نزر مری ءِ وڑیں ورنایانی بیگواھی ءَ ھمے زانگ بیت کہ اد ءَ سیاسی بگیریانی دارگ ءمردمانی زوال بنت۔ بیگواھیں مردمانی کھول ھمک در ءَ جست کن اَنت بلے آیاں اے ھم گوشگ نہ بیت کہ آیانی آزیز گوں کجام جاوراں اَنت۔
سمی دین ءَ گوشتگ کہ ما گوں انسانی ھکانی درسیں گل ءُ ادارھاں لوٹ کن ایں کہ آ اے نزوریں کھولانی توار جوڑ بہ بنت۔ بلوچستان ءَ زوریں بیگواھی تھنا یک مردمے ءِناں بلکیں سرجمیں چاگرد ءِ واب ءُ اوستاں تباہ کنگ ءَ اِنت۔
