آواران: مرچی ما پہ سگیر اھمد ءُ اکرار اھمد ءِ آجوئی ءَ آواران ءِ بازار ءَ یک پر ایمنیں روانکے کش اِتگ کہ چہ یو بی ایل بینک ءَ بندات بیتگ ءُ ڈی سی کمپلیکس ءَ آسر بیتگ۔ ما دگہ وڑیں جزباتی کار نہ کرتگ ءُ دگہ اوگام ھم نہ جتگ، تھنا پہ وتی آزیزانی آجوئی ءَ پر ایمنیں روانکے کش اتگ۔ بلے گوں بژن ءَ گوشگ کپ ایت کہ مارا یکشل ءَ گوں جتائیں نیموناں ترسینگ ءَ اَنت۔ نہ تھنا ما بلکیں اد ءِ لس شھری ھم ترسینگ بوگ ءَ اَنت، آیاں ھمے گوشگ بوگ ءَ اِنت کہ روانک ءَ بھر مزور اِت۔
آئی ءَ گوشتگ کہ یک انچیں تبے ءَ پیش بوگ ءَ اَنت بزاں کہ ما دگہ میارباری یے کرتگ۔ ما بس وتی بے میاریں براتانی آجوئی ءِ لوٹ ءَ کنگ ءَ ایں۔ مئے برات سگیر اھمد ءُ اکرار اھمد بے میار اَنت۔ اگاں آیانی سر ءَ چونیں بھتام ھست آمیدگس ءَ پیش کنگ بہ بنت۔ آیانی اے وڑ ءَ بیگواہ کنگ چونیں ھم کانودی کاروائیانی تچک ءَ بگیری اِنت۔
آئی ءَ گوں بلوچستان سرکار، ریاستی ادارہ ءُ درسیں بھرگاں لوٹ کرتگ کہ مئے براتاں زوت آجو بہ کناھین اِت۔ آیانی بیگواھی مارا ھمک روچ جنجال کنت۔ ما گوں انسانی ھکانی ادارھاں لوٹ کن ایں کہ پما توار چست بہ کن اَنت۔
