بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که سے ءُ چار مارچ ءِ میانی شپ ءَ بی ایل ایپ ءِ سرمچاراں پسنی ءُ اورماڑه ءِ میانجی بزی ءَ داں سے اَداراں شھدگ بستگ ءُ بازیں کچے ءَ گاڑی پٹ ءُ پول کرتگ اَنت ، ھمے وڑ ءَ شھدگ ءِ سر ءَ پولیس ءِ چوکی گپتگ ءُ مانداشتگ.
آئی ءَ گوشتگ که پٹ ءُ پول ءِ میان ءَ پنجاپ ، سند ءُ ھیبرپکتونواه ءِ جاه منندیں بازیں مساپرانی کارڈ چار اِتگ اَنت بلے آیاں گوں پاکستانی لشکر ءُ چیریں ادارھاں ھچ وڑیں سیادی نه بیتگ که چه ایشی ءَ سرمچاراں گوں سلامتی ءَ رھادگ کرتگ اَنت۔
جارکش ءَ گوشتگ که دگ بندی ءِ میان ءَ پنجاپ ءُ آدگه ھنداں ایل پی جی بروکیں بازیں گاڑی مانداشتگ، ھمے وڑ ءَ شھدگ ءَ پٹ ءُ پول ءِ میان ءَ پولیس ءِ یک گاڑی یے داشتگ، پولیس کارمندانی سلاه گپتگ اَنت ءُ گاڑی مانداشتگ، پولیس کارمند مردمگری ءُ بلوچ بوگ ءِ بنیاد ءَ یل کرتگ اَنت.
میجر گھرام ءَ اُرشانی زمه واری من اِتگ ءُ گوشتگ که داں بلوچستان ءِ آجوئی ءَ زورگریں دژمن ءِ بگیری ءَ کاروائیانی برجاه دارگ ءِ کول ءَ کن ایں.
