آواران ءِ ھند مشکے ءَ پجار نہ بیتگیں سلاہ بندیں مردماں پاکستانی پوج ءِ سر ءَ دو اُرش کرتگ۔
زرمبش جھگیر ءِ رد ءَ سلاہ بندیں مردماں زی مشکے ءِ میتگ اوگار ءَ پاکستانی پوج ءِ چوکی ءِ نزیک ءَ گاڑی یے ءِ سر ءَ اُرش کرتگ ءُ ھمے میان ءَ گوں مزنیں سلاھاں چوکی ھم نشانگ کرتگ۔ اُرش ءِ آسر ءَ پاکستانی پوج ءِ جانی تاوان ءِ ھال اِنت۔
اُرش ءَ پد پاکستانی پوج ءِ ھیلی کاپٹر ھم اتکگ ءُ مرتگیں کارمندانی لاش ءُ ٹپی بیتگیں کارمند برتگ اَنت۔
اُرش ءِ زمہ واری انگت ءَ ھچ گل ءَ نہ زرتگ۔
