شال: پہ زور بیگواھیں مردمانی پد جنگ ءَ وائس پار بلوچ مسنگ پرسنز ءِ زھرشانی گدان ءَ 5930 روچ سرجم بیتگ۔ سے شمبے ءِ روچ ءَ جتائیں بھرگاں سیادی داروکیں مردم پہ ھمدردی درشان کنگ ءَ گدان ءَ اتکگ اَنت۔
وی بی ایم پی ءِ چیئرمین نسر اللہ بلوچ ءَ گوشتگ کہ ما گوستگیں شانزدہ سال اِنت کہ وی بی ایم پی ءِ راھبند ءَ بلوچستان ءِ زوریں بیگواھیانی بگیری ءَ ایمن ءُ راھبندی جھد کنگ ءَ ایں ، ما ھمے سرپد بہ ایں کہ زوریں بیگواھی ڈیھ ءِ راھبند ءُ کانود ءِ بگیری اِنت۔
آئی ءِ گوشگ اِنت کہ مئے جھد ءِ مول ھمیش اِنت کہ پاکستان ءَ زوریں بیگواھی ءِ جیڑہ ریاست ءَ گوں سنگینی ءَ چارگ لوٹ اَنت۔
نسر اللہ بلوچ ءَ گوشتگ کہ ما چہ سرکار ءَ مدام لوٹ کنگ ءَ ایں کہ درسیں بیگواھیں مردم دیم ءَ آرگ ءُ آیاں کانودی ھک دیگ بہ بیت، ھما کہ بے میار اَنت پہ آیانی یل کنگ ءَ دلجمی دیگ بہ بیت۔ بیگواھیں بلوچانی درکانودی کوش زوت بند کنگ بہ بیت۔
