شال: چہ شال پریس کلب ءَ پشتونکواملی اوامی پارٹی، بلوچستان نیشنل پارٹی، نیشنل پارٹی، پاکستان تھریک انساپ ءُ جتائیں مھذھی پارٹیانی سروکاں ھواری ءَ یک پریس کانپریسے کرتگ ءُ 2 ستمبر ءَ شاھوانی اسٹیڈیم ءَ بیتگیں وتکش تراک ایر جتگ۔
آیاں گوشتگ کہ اے ویل تھنا لھتیں مردمانی جانی تاوان نہ اِنت بلکیں بلوچستان ءِ ھواریں توار ءِ دارگ ءِ یک جھدے۔ ھشت ستمبر ءَ سرجمیں بلوچستان ءَ تھتگ بند ءُ دگ بند ھرتال کن ایں دانکہ اے زوراکی ءِ بگیری ءَ پر ایمنیں زھرشانی ءَ یاداشت بہ کن ایں۔
اے بابتءَ بلوچستان نیشنل پارٹی ءِ سروک اکتر مینگل ءِ گوشگ اِنت کہ 2 ستمبر ءِ شپ ءَ بیتگیں ویل پہ سرجمیں بلوچستان ءَ یک ٹپے۔ اے تراک ءِ آسر ءَ چاردہ کارکن ءُ پولیس کارمند بیران بیتگ اَنت۔ تراک ءَ لھتیں دمان پیش کارکن بس اوگام جنگ ءَ بیتگ اَنت ءُ آیان ءَ دگہ توپک گون نہ بیتگ۔
آئی ءَ جست کرتگءُ گوشتگ کہ ریاست ادارہ چی ءَ سرپد نہ اَنت کہ اے ارشکار چہ کج ءَ اتکگ۔
آئیءَ گوشتگ کہ چہ اے ویل ءَ تھنا بی این پی ءَ نہ بلکیں سرجمیں بلوچستان ءَ تاوان بیتگ۔ شھیدانی ھون ھچ وڑ ءَ زوال نہ بنت۔
