بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ گوشتگ کہ بی ایل ایپ ءِ سرمچاراں 27 ستمبر ءِ بیگاہ ءِ چار ءِ نزیک ءَ بلیدہ، گلی ءَ گوں چیر کرتگیں شورھاں دو پرپٹاں سواریں چار کارمند نشانگ کرتگ کہ آ پاکستانی پوج ءِ کاروان ءِ بھرے بیتگ اَنت۔ دوئیں پرپٹ ترا ک ءِ زد ءَ اتکگ اَنت کہ آیاں سواریں سے کارمند جاھی مرتگ ءُ یکے سکا ٹپی بیتگ۔ مرتگیں کارمندانی نام نائیک سھد، سپاھی اسد ءُ سپاھی اسمائیل اِنت۔
آئی ءَ گوشتگ کہ بیست ءُ ھپت ستمبر ءَ بی ایل ایپ ءِ سرمچاراں مشکے ءِ ھند میانی کلاتءَ زورگریں پاکستانی پوج ءِ چوکی چہ دو نیمگاں گوں نوک ءُ مزنیں سلاھاں نشانگ کرتگ۔ دژمن ءِ دو کارمند مرتگ ءُ یکے ٹپی بیتگ۔
جارکش ءَ گوشتگ کہ بیست ءُ شش ستمبر ءَ دشت ءِ ھند مکسر ءَ سرمچاراں راجی میاربارگلاب ء جمال جاہ منند دشت سوروک تیرگواری کرتگ ءُ کشتگ۔ اے مردم پاکستانی پوج ءِ چیریں ادارھانی پرکاریں کارمندے بیتگ اے بلوچ راجی جیڑہ ءِ سر ءَ سکا سرگرم بیتگ ءُ آرمی کالج ءَ نودربری ءِ زمانگ ءَ گوں بلوچ آجوئی لوٹوکیں گلاں رھوت کنگ ءِ ھیلکاری ءُ زمہ واری دیگ بیتگ۔ آ لھتیں ماہ پیش بی ایل ایپ ءَ ھوار بیتگ ءُ سرمچاراں داں باز ماہ ءَ ھیالداری کرتگ ۔آیانی شک راست بیتگ کہ آیاں دزگیر کرتگ ءُ جست ءُ پرس ءِ میان ءَ آئی ءَمن اتگ کہ آ گوستگیں لھتیں سال اِنت جتائیں کاراں ھوار بیتگ ءُ ھمک ماہ چہ ایم آئی ءَ پگار گرگ ءَ بیتگ۔
آئی ءَ گوشتگ کہ چہ ایشی ءَ گل ءَ دگہ سکا باز سرپدی رستگ، چہ آئی جست ءُ پرس ءَ سرپدیانی ھلاسی ءَ پد آئی بگیری ءَ کاروائی کرتگ۔
میجر گھرام بلوچ ءَ کاروائیانی زمہ واری من اتگ ءُ گوشتگ کہ ما رسانکدر ءِ پارست ءَ دژمنیں پوج ءَ ھوار بیوکیں گوں ھما بلوچ ورنایاں دژمنیں پوج ءِ چہ ھوار بوگ ءَ دور بوگ ءِ لوٹ ءَ کن ایں کہ آ زورگریں پاکستانی پوج ءِ چیردستیں کالونیل ادارھاں ھمے نیت ءَ وانگ ءَ اَنت۔ اے ھمک بلوچ ءِ سر ءَ راجی پرز بیت کہ زورگریں پوج ءِ کمکار بوگ ءُ بلوچ راجی زرمبشتءِ بگیری ءَ کار کنگ ءَ پھریز بہ کن اَنت۔
