شال : بلوچستان وانگجاہ ءَ بلوچ نودربرانی گون ءَ بیوکیں زوراکیانی بگیری ءَ بلوچ اسوڈنٹس الائنس ءِ نیمگ ءَ زھرشانی کنگ بیتگ۔ زھرشانی ءَ بساک ءِ سروکاں ھوار آدگہ بچک ءُ جنکیں نودربراں بازیں کچے ءَ بھر زرتگ۔
زھرشانی ءَ بلوچ نودربر سروکاں تران کرتگ ءُ گوشتگ کہ اوتل نیورسٹی ءِ درشان ءَ گوشگ بیت کہ اے نودربر ناشرکاریں مردم اَنت۔ گڑا ما آئی ءَ ھمے گوشگ لوٹ ایں کہ اگاں پہ مبارک کازی ءِ یاتگیری ءَ دیوان اڈ دیگ ءَ نودربر ناشرکار گوشگ بنت گڑا تھنا بلوچ نودربر نہ تیوگیں بلوچ راج کازی ءِ رندگیری ءَ کنت۔ اگاں کازی ءِ پروگرامانی دارگ ءِ یک درچے بندات بیتگ گڑا ما ھمے سرپد بہ ایں کہ اے انتزامیہ ءُ ریاست ءِ بے سوبی اِنت۔
آئی ءَ گوشتگ کہ اوتل یونیورسٹی ءِ انتزامیہ ءِ گوشگ اِنت اوتل یونیورسٹی ءَ چار نودربر اَنت کہ آ جاوراں ھراب کنگ لوٹ اَنت من پمشکا آیانی سر ءَ ارش کرتگ۔ گڑا ما آئی ءَ ھمے گوش ایں کہ اگاں یونیورسٹی ءِ چار نودربر ھراب بوت ایں گڑا سرجمیں نودربر آیانی ھمراہ نہ بیتگ اِت اَنت ءُ تئی ھمراہ اِت اَنت۔
آئی ءَ گوشتگ کہ اگاں اوتل یونیورسٹی ءِ نودربرانی لوٹ گوشگ دارگ ءُ گوں آیاں انساپ کنگ نہ بوت ایوک ءَ اود ءَ زھرشانی کنگ نہ بیت بلکیں سرجمیں بلوچستان ءِ نودربر اے زوراکیانی بگیری ءَ زھرشانی کن اَنت۔
